"Зенит" ҳужумчиси Малком "Ал-Ҳилол"га ўтишга яқин турибди, дея хабар беради инсайдер Николо Скира.
Манбага кўра, 26 ёшли бразилиялик Саудия клуби билан 2026 йилгача шартнома имзолайди, маоши йилига 18 миллион еврони ташкил қилади.
Малком 2019 йилда "Барселона"дан "Зенит"га ўтган эди. Унинг амалдаги шартномаси 2026 йилнинг июнь ойи охиригача мўлжалланган. Ҳужумчи "кўк-оқ-кўклар" сафида барча мусобақаларда 108 ўйинда 42 гол ва 24 голга ассистентлик қилган.
Transfermarkt портали футболчининг нархини 30 миллион еврога баҳоламоқда.