"Манчестер Юнайтед"нинг собиқ футболчиси Уэйн Руни "Арсенал" бош мураббийи Микель Артетанинг фаолияти ҳақида ўз фикрлари билан ўртоқлашди.
"Артета "Арсенал"да ажойиб иш қилди, Англия кубогини қўлга киритди ва ўтган мавсумда "Сити"ни чиндан ҳам қийнади. Ёш мураббий сифатида буни кўрганимдан мамнунман.
Ҳар ким ҳар хил мураббийлик қилади. Артета буни бошдан кечирган бўлса, мен ҳам худди шундай қилиш учун қадамлар қўйяпман. Ишончим комилки, Гвардиола билан ишлаш унга ёрдам берди", - дея Рунидан иқтибос келтиради BBC.
"Арсенал" ўтган мавсумни Англия Премьер-лигасида 38 турдан кейин 84 очко билан иккинчи ўринда якунлади ва "Манчестер Сити"дан 5 очко ортда қолди.
