"Ливерпуль" бош мураббийи Юрген Клопп клуб раҳбариятидан вингер Луис Диас ҳақида сўради. Record нашри хабарига кўра, германиялик мутахассис колумбиялик футболчини жамоада сақлаб қолмоқчи.
Клопп бошлиқлардан Диаснинг Саудиянинг "Ал-Ҳилол" клубига ўтишига тўсқинлик қилишни сўради. Юрген Луисни жамоанинг муҳим футболчиси деб ҳисоблайди ва келгусида ҳамкорлик қилишдан манфаатдор.
26 ёшли ярим ҳимоячи 2022 йилнинг январидан бери "Ливерпуль"да тўп тепмоқда. Томонлар ўртасидаги меҳнат шартномаси муддати 2027 йил июнь ойининг охиригача ҳисобланади.
Диас ўтган мавсумда Премьер-лигада 17 та ўйинда майдонга тушиб, 4 та гол урди ва 2 та голли узатмани амалга оширди.
