"Манчестер Юнайтед" марказий ҳимоячиси Харри Магуайрнинг келажаги ноаниқлигича қолмоқда.

Маълумки, Эрик тен Хаг англиялик футболчини таянч ўйинчиси сифатида ҳисобламайди ва яқинда клуб марказий ҳимоячи сардорлик боғичидан маҳрум этилганини эълон қилди.

Журналист Марк Критчлининг сўзларига кўра, Магуайрнинг тез орада кетиши ҳақидаги кўплаб миш-мишларга қарамай, “МЮ” 30 ёшли футболчини очиқчасига сотувга қўймайди. Шу билан бирга, клуб унинг учун трансфер таклифларини тинглашга тайёр.

Transfermarkt Харри Магуайрнинг ҳозирги нархини 20 миллион еврога баҳолаган. Футболчининг клуб билан шартномаси 2025 йилгача амал қилади.