20 ёшли парагвайлик ярим ҳимоячи Диего Гомес "Интер Майами"нинг навбатдаги янги футболчисига айланди.
Клуб расмий сайти хабарига кўра, томонлар 2027 йилгача мўлжалланган узоқ муддатли меҳнат шартномасини туздилар.
"Интер Майами" сафига қўшилганимдан хурсандман. Ишончим комилки, биз жиддий рақобатни юзага келтира оламиз.
Мен курашишга ва клубга ўз мақсадларига эришишда ёрдам беришга тайёрман", — деди ярим ҳимоячи.
Майамига кўчиб ўтишдан олдин Гомес ўз ватанида "Либертад" клубида ўйнаган.
Эслатиб ўтамиз, жорий йилнинг ёзида "Интер Майами" ҳужумчи Лионель Месси ва ярим ҳимоячи Серхио Бускетснинг трансферларини якунлаганди.
