Қозоғистон ва Ўзбекистоннинг 2034 йилги жаҳон чемпионатини ўтказиш учун қўшма ариза бергани ҳақидаги хабар берган эдик.

Ушбу масалага машҳур футбол функционери Алишер Никимбаев муносабат билдирди.

"Бундан ўттиз йил аввал Тошкент 2000 йилги Олимпиада ўйинларига мезбонлик қилиш учун ариза топширганини эслатиб ўтмоқчиман, холос.

Бу ҳақиқатга тўғри келмайди. Агар Саудия Арабистони 2030 йилги жаҳон чемпионатига даъвогарлик қилиш ғоясидан воз кечганини ҳисобга олсак, Қозоғистон ва Ўзбекистон 2034 йилги жаҳон чемпионатига даъвогарлик қилиш ҳақида ўйламаса ҳам бўлади.

Гап шундаки, мусобақани ўтказиш учун 15-16 та стадион керак (ЖЧ-2026да АҚШ, Канада ва Мекцикада бўлгани каби). Бугунги кунда мамлакатимизда бундай даражадаги стадионлар роппа-роса нолга тенг.

Яъни, ўн йил ичида умумий қиймати 5 миллиард долларга яқин бўлган 15-16 та стадион қуриш керак ва бу имконсиз.

Таққослаш учун: Қатар ўн йил ичида еттита стадион қурди. Бошқа жиҳатларга, масалан, аэропортлар, меҳмонхоналар, ўқув масканлари ва ҳоказолар ҳақида гапирганим йўқ.

Барча стадионлар учун 5 миллиард деган тахминим жуда тежамкор вариант. Аслида бизга камида 25-30 млрд керак", деди мутахассис.