"Барселона”нинг олти нафар футболчиси ярим ҳимоячи Дани Ольмо билан боғлиқ вазият туфайли Испания терма жамоаси ўйинларини бойкот қилишни режалаштиргани маълум бўлди.
Diario AS хабарига кўра, агар Олмо жорий мавсумнинг иккинчи қисмида рўйхатдан ўтмаганида Гави, Педри, Пау Кубарси, Ламин Ямал, Марк Касадо ва Фермин Лопес Испания терма жамоасини тарк этмоқчи бўлган.
Қайд этилишича, “Барселона” футболчилари жазодан қочиш учун жароҳатлар ва тайёр эмасликларини баҳона қилмоқчи бўлган.
Суд каталонияликларга якуний ҳукм чиқарилгунга қадар Ольмони мавсумнинг иккинчи қисмига вақтинча рўйхатдан ўтказишга рухсат берган эди.
