"Barselona”ning olti nafar futbolchisi yarim himoyachi Dani Olmo bilan bog‘liq vaziyat tufayli Ispaniya terma jamoasi o‘yinlarini boykot qilishni rejalashtirgani ma’lum bo‘ldi.
Diario AS xabariga ko‘ra, agar Olmo joriy mavsumning ikkinchi qismida ro‘yxatdan o‘tmaganida Gavi, Pedri, Pau Kubarsi, Lamin Yamal, Mark Kasado va Fermin Lopes Ispaniya terma jamoasini tark etmoqchi bo‘lgan.
Qayd etilishicha, “Barselona” futbolchilari jazodan qochish uchun jarohatlar va tayyor emasliklarini bahona qilmoqchi bo‘lgan.
Sud kataloniyaliklarga yakuniy hukm chiqarilgunga qadar Olmoni mavsumning ikkinchi qismiga vaqtincha ro‘yxatdan o‘tkazishga ruxsat bergan edi.
