"Манчестер Сити" бош мураббийи Хосеп Гвардиола 20 ёшли Ўзбекистон ва "Ланс" ҳимоячиси Абдуқодир Хусановнинг трансферини маъқуллади. Бу ҳақда журналист Фабрицио Романо ижтимоий тармоғида хабар берди.
Олдинроқ инглиз клуби ўзбекистонлик футболчига бонуслар билан бирга 50 миллион евро таклиф қилгани маълум бўлганди. Ҳусановнинг ўзи унга узоқ муддатли шартнома таклиф қилаётган "Манчестер Сити"га ўтишни "интизорлик билан" кутмоқда.
Ҳусанов 2023 йилдан буён "Ланс"да ўйнаб келмоқда. Футболчининг клуб билан шартномаси 2027 йилгача мўлжалланган. Жорий мавсумда Ҳусанов "Ланс" сафида барча турнирларда 16 та ўйин ўтказиб, битта голли узатмани амалга оширди.
