Мадриднинг «Реал» клуби бош мураббийи Жозе Моуриньо Европа чемпионлар лигасининг «Боруссия»га қарши учрашуви олдидан ўз фикрлари билан ўртоқлашди.

«Бизнинг гуруҳ жуда мураккаб. Бу ердаги жамоаларнинг кўп нарсага эришиш нияти барчани босим остида ушлаб туради. Ҳар бир тўпланган очко бу гуруҳда олтинга тенг. Барча жамоалар таваккал қилса, плей-оффдан қуруқ қолиши мумкин».

«Биз ва «Боруссия»да кейинги босқичига чиқиш имконияти кўпроқ. Бироқ «Сити» қолган уч турни муваффақиятли ўтказиб юқорига кўтарилиши мумкин».

«Боруссия» кучли жамоа. Уларда оптимал ҳолатдаги ажойиб футболчилар жам бўлишган. Икки марта кетма-кет Германия чемпиони, гуруҳ пешқадами бўлиб  турган жамоа ҳақида шунчаки гапириб бўлмайди. Агар дортмундликлар плей-оффга чиқадиган бўлса, уларда мусобақа бош соврини қўлга киритиш имконияти ҳам бўлади».

«Бугун Варан асосий таркибда майдонга тушади. Модрич? Буни ҳозирча билмайман. Шунингдек, Эссьен, Хаби Алонсо ва Хедира ҳақида ҳам шу гапни айтишим мумкин», дея Моуриньонинг сўзларидан иқтибос келтирмоқда клуб расмий сайти.