Россия терма жамоаси ва Москванинг “Динамо” клуби ярим ҳимоячиси Арсен Захарян Италия чемпионатига ўтиши мумкин.
Спорт24 нашрининг хабар беришича, 20 ёшли ярим ҳимоячи "Лацио"нинг асосий мақсади ҳисобланади. Томонлар истиқболли футболчининг трансфери бўйича музокара олиб боришмоқда. Битим якунланиш арафасида.
Аввалроқ матбуотда Захарянга Роттердамнинг "Фейеноорд" клуби қизиқиш билдираётгани ҳақида хабар берилганди.
2022/2023 йилги мавсумда Арсен Премьер-лиганинг 27 та учрашувида қатнашиб, 4 та гол урди ва 7 та голли узатмани амалга оширди. Ярим ҳимоячининг "оқ-кўклар" билан шартномаси келаси йилга қадар тузилган. Захаряннинг трансфер нархи 15 миллион евро.
