"Монако" ҳимоячи Роберт Ренан бўйича "Зенит"га таклиф билан чиқмади, деб хабар беради РБ Спорт.
Манба шунингдек, Санкт-Петербург клуби 19 ёшли футболчини ёзда қўйиб юбориш ниятида эмаслигини ҳам таъкидлайди.
Аввалроқ ОАВда “Монако” Ренан учун “Зенит”га 25 миллион евро таклиф қилгани ҳақида хабарлар тарқалганди.
Ренан 2023 йилнинг қишида Бразилиянинг "Коринтианс" жамоасидан "Зенит"га ўтган эди. Футболчи "кўк-оқ-кўклар" сафида 11 ўйин ўтказган. Унинг петербургликлар билан шартномаси 2028 йилгача мўлжалланган.