“Кристал Пэлас” ҳужумчиси Майкл Олисе фаолиятини “Челси”да давом эттирмоқчи.
Журналист Фабрис Хокинснинг ижтимоий тармоқдаги саҳифасида маълум қилишича, "кўклар" аллақачон "Кристал Пэлас"га бонусларни ўз ичига олган 45 миллион евролик расмий таклиф билан чиқишган. Манбага кўра, Олисенинг ўзи клубни тарк этмоқчи.
21 ёшли вингер 2021 йилдан бери "Кристал Пелас"да тўп тепади. Бу вақт ичида футболчи барча мусобақаларда 71 та учрашувда майдонга тушиб, 6 та гол урди ва 19 та голли узатмани амалга оширди.
Олисенинг амалдаги шартномаси 2026 йилгача мўлжалланган. Transfermarkt экспертлари футболчининг нархини 38 миллион еврога баҳоламоқда.
