“Kristal Pelas” hujumchisi Maykl Olise faoliyatini “Chelsi”da davom ettirmoqchi.

Jurnalist Fabris Xokinsning ijtimoiy tarmoqdagi sahifasida ma’lum qilishicha, "ko‘klar" allaqachon "Kristal Pelas"ga bonuslarni o‘z ichiga olgan 45 million yevrolik rasmiy taklif bilan chiqishgan. Manbaga ko‘ra, Olisening o‘zi klubni tark etmoqchi.

21 yoshli vinger 2021 yildan beri "Kristal Pelas"da to‘p tepadi. Bu vaqt ichida futbolchi barcha musobaqalarda 71 ta uchrashuvda maydonga tushib, 6 ta gol urdi va 19 ta golli uzatmani amalga oshirdi.

Olisening amaldagi shartnomasi 2026 yilgacha mo‘ljallangan. Transfermarkt ekspertlari futbolchining narxini 38 million yevroga baholamoqda.