Гастроэнтеритдан азият чеккан "Барселона" футболчилари тузалиб кетишмоқда.
Эслатиб ўтамиз, 23 июль куни Сан-Хоседа бўлиб ўтиши керак бўлган "Барселона" - "Ювентус" учрашуви Каталония жамоаси футболчиларида гастроэнтерит касаллиги авж олгани сабабли бекор қилинган эди.
Жабрланган футболчиларнинг аксарияти душанба куни машғулотларга қайтиши кутилмоқда. Сўнгги соатларда жамоада янги гастроэнтерит ҳолатлари аниқланмади ва барча касал футболчилар тезда тузалиб кетмоқда.
26 июлга белгиланган навбатдаги ўйинда "Барселона" "Арсенал"га қарши майдонга тушади.
