Англиянинг "Уотфорд" клуби ҳимоячиси Кристиан Кабаселе А Сериянинг "Удинезе" клубининг футболчисига айланди. Ушбу трансфер ҳақида Италия клуби расмий сайти хабар бермоқда. Бельгиялик футболчи унга кейинги икки мавсум учун шартнома имзолади.
Эслатиб ўтамиз, Кабаселе 2016 йилдан буён "Уотфорд"да ўйнаган ва жамоа сафида жами 166 та ўйин ўтказиб, 6 та гол урган.
32 ёшли футболчи бельгиялик “Эйпен” клуби тарбияланувчиси бўлиб, фаолияти давомида «Мехелен», «Лудогорец» ва «Генк» клубларида ўйнаган.
“Удинезе” ўтган мавсум А Серияда 46 очко билан 12-ўринни эгаллади.
