"Челси" бош мураббийи Маурисио Почеттино ҳимоячи Ян Матсенни мавсумолди ўйини учун юқори баҳолади.
Учта ўйин давомида голландиялик футболчи иккита гол ва битта самарали узатмани ўз ҳисобига ёздириб қўйди.
"Матсен жуда ақлли футболчи, у менинг режаларимга киради. У турли позицияларда ўйнай олади. Ҳозирча мен бундан жуда мамнунман", деди Почеттино матбуот анжуманида.
Матсен ўтган мавсумни "Бёрнли"да ижарада ўтказди ва Венсан Компани жамоасининг Англия Премьер-лигасига йўл олишига ёрдам берди.