"Альмерия" ҳужумчиси Эл Билол Туре фаолиятини "Аталанта"да давом эттиради. Бу ҳақда журналист Фабрицио Романо хабар бермоқда.
Манбага кўра, келишув тўлиқ келишилган. Трансфер суммаси 27 миллион евро ва 3 миллион миқдорида "Альмерия" бонуслар олиши мумкин.
Испания чемпионатининг сўнгги мавсумида 21 ёшли малилик футболчи 21 ўйин ўтказиб, 7 та гол урди ва иккита голли узатмани амалга оширди. Туре Transfermarkt томонидан 12 миллион еврога баҳоланган.
Эслатиб ўтамиз, Италия А Сериясининг сўнгги мавсумида "Аталанта" турнир жадвалида бешинчи ўринни эгаллаб, Европа лигасига йўлланма олди.
