Нигериялик ҳужумчи Самуэль Чуквуезе "Вильярреал"дан "Милан"га ўтди. Бу ҳақда “россонерилар” расмий сайтида маълум қилди.
Томонлар ўртасидаги шартнома 2028 йилнинг ёзига қадар тузилган. 24 ёшли вингер "Милан"да 21-рақамда ўйнайди.ОАВ хабарларига кўра, миланликлар футболчининг трансфери учун 28 миллион евро тўлашган.
Чуквуезе ўтган мавсумда барча турнирларда 50 та ўйинда майдонга тушиб, 13 та гол ва 11 та голли узатмага муаллифлик қилган.
Италия чемпионатининг янги мавсум старти 19 августга белгиланган. А Сериянинг 1-турида “Милан” сафарда “Болонья” билан учрашади (21 август).
