"Ноттингем Форест" ярим ҳимоячиси Ремо Фройлер Италияга қайтиши мумкин.
Швейцариялик футболчига "Ювентус" қизиқиш билдирган ва у "ўрмончилар"дан мумкин бўлган келишув нархи ҳақида маълумот сўраган, дея хабар беради инсайдер Николо Скира.
Турин клуби 31 ёшли ярим ҳимоячини кейинчалик сотиб олиш имконияти билан ижарага олишга тайёр.
Ремо Фройлер Италия футболи билан "Аталанта"да ўйнагани учун таниш - футболчи олти ярим йил давомида бергамоликлар шарафини ҳимоя қилди. Ярим ҳимоячи ўтган йилнинг июль ойида "Ноттингем Форест" сафига қўшилганди.
Фройлер Англия премьер-лигасининг сўнгги мавсумида 28 та ўйинда майдонга тушди.
