"Бунёдкор" клубини ярим финалдан чиқариб юборган "Ульсан Хёндэ" жамоаси 2012 йилги Осиё чемпионлар лигасининг ғолибига айланди. Бу жамоа финалда Саудия Арабистонининг "Ал-Аҳли" клубини финал баҳсида 3:0 ҳисобида мағлуб этди.

Ўйиннинг 13-дақиқасида мезбонлар ҳисобни стандарт вазиятдан ҳисобни очишга муваффақ бўлишди. Дарвозагача 30 метрлар масофадан тўп жарима майдончасига етказиб берилди ва ҳужумчиларга ёрдамга борган жамоа сардори Ким Тэ Хви бош билан ҳисобни очди.

Умуман, ўйин давомида ульсанликлар тўп ва ўйин назоратини ўз томонларида ушлаб туришди. Иккинчи бўлимда бразилиялик Рафинья ОЧЛдаги ўзининг еттинчи голини киритишга муваффақ бўлди. Ким Сеунг Йонг томонидан киритилган гол эса ўйин тақдирини ҳал қилди.

ОСИЁ ЧЕМПИОНЛАР ЛИГАСИ-2012. ФИНАЛ
"УЛЬСАН ХЁНДЭ" (Жанубий Корея) - "АЛ-АҲЛИ" (Саудия Арабистони) - 3:0 (1:0)
Голлар: Квак Тэ Хви (13), Рафинья (68), Ким Сеунг Йонг (75)
"Ульсан": 1. Ким Йонг Кванг, 2. Ли Йонг, 4. Канг Мин Су, 5. Квак Тэ Хви, 8. Ли Хо, 9. Ким Шин Вук, 11. Ли Кеун Хо, 13. Ким Сеунг Йонг, 14. Ким Йонг Сам, 19. Рафинья, 20. Естиван Велез.
"Ал-Аҳли": 22. Абдуллоҳ ал-Муауф, 2. Жайро Фабиан, 4. Бахшвин, 5. Муса Мутаз, 7. Виктор, 8. Тайсир ал-Жассим, 16. Ҳайдар ал-Амир, 20. Амад ал-Ҳусний, 21. Оқил аш-Шаҳабий, 47. Мустафо ал-Аббос.
Бош ҳакам: Бенжамин Уильямс (Австралия)
2012 йил 10 ноябрь. Э.Корея. Ульсан. "Мунсу Кап". 42153 томошабин.