"Манчестер Юнайтед" ҳимоячиси Люк Шоу ярим ҳимоячи Мейсон Маунтни ўз жамоасида кўришга ҳали ўрганмаганлигини айтди.
Маунт июль ойи бошида "Челси"дан "Манчестер Юнайтед"га кўчиб ўтди ва яна бир мавсумга узайтириш имконияти билан беш йиллик шартнома имзолади. Футболчи 2019 йилдан бери Лондон клубининг асосий жамоасида ўйнаб келаётганди.
Transfermarkt нашри хабарига кўра, "Манчестер Юнайтед" 24 ёшли англиялик футболчи учун 64,2 миллион евро тўлаган.
"Ростини айтсам, Маунтни "Манчестер Юнайтед"да кўриш жуда ғалати, лекин у ҳозир биз билан эканлигидан жуда хурсандман. Янги келганлар жамоа ва ходимлар билан танишишда давом этмоқда", - деди Шоу The Mirror билан суҳбатда.
