“Ан-Наср” ҳужумчиси Криштиану Роналду клублар ўртасидаги Араб чемпионлар кубоги 2-босқичи доирасидаги “Монастир” (2:1) дарвозасига гол урди. 38 ёшли португалиялик рақиб дарвозасига боши билан тўпни киритди.

433 хабарига кўра, Роналду фаолиятида 145-бор боши билан гол урди. Бу кўрсаткич бўйича у футбол тарихидаги энг яхши кўрсаткичга эришди.

Португалиялик футболчи фаолияти давомида 144 та голни боши билан урган германиялик ҳужумчи Герд Мюллерни ортда қолдирди. Учинчи қаторда испаниялик Сантильяна (125та боши билан урилган гол), тўртинчи қаторда бразилиялик Пеле (124та) жой олган.