АҚШнинг "Лос-Анжелес" клуби "Наполи" вингери Ирвин Лосанонинг трансфери устида ишламоқда, деб хабар бермоқда Wdeportes нашри.
МЛС клуби футболчига "Наполи"даги ҳозирги шароитига нисбатан сезиларли даражада кўтарилган маоши билан 4 йиллик шартнома таклиф қилди.
Тахминларга кўра, яқин кунларда томонлар учрашув ўтказиши ва унда ярим ҳимоячи таклифга якуний жавоб бериши кутилмоқда.
"Лос-Анжелес"дан ташқари, "Лидс", "Эвертон" ва Саудия Арабистонининг номи ошкор этилмаган клуби Лосанога даъвогарлик қилмоқда.
Лосано "Наполи"да 2019 йилнинг августидан буён ўйнаб келмоқда. Унинг шартномаси келаси ёзгача амал қилади. Қанот ярим ҳимоячиси "Наполи" сафида 120 ўйинда майдонга тушиб, 23 гол ва 14 голга ассистентлик қилган. Мексикалик футболчи 28 ёшда.
