"ПСЖ" айни дамда "Реал" устидан ФИФАга шикоят қилиш имкониятини кўриб чиқмоқда. Бу ҳақда The Telegraph нашри хабар бермоқда.
Лига 1 грандининг ишончи комилки, Килиан Мбаппе келаси йили текинга Мадрид клубига ўтишга рози бўлган. Бу ҳолатда "Реал" ФИФА қоидаларини бузган бўлиши мумкин, чунки клублар ўз клублари розилигисиз хорижлик футболчилар билан музокара ўтказа олмайди. Ўйинчининг шартномаси олти ой ёки ундан камроқ вақт ичида тугайдиган ҳолатлар истисно ҳисобланади.
Қайд этилишича, Мбаппе яқинда "Ал-Ҳилол"нинг таклифига рад жавоб берган. "ПСЖ" буни футболчининг "Реал" билан аллақачон келишувга эришганига далил сифатида кўрмоқда.
Эслатиб ўтамиз, Мбаппе шартномани узайтиришдан бош тортгани учун "ПСЖ" футболчини Япония турнесига олиб кетмаганди.
