"PSJ" ayni damda "Real" ustidan FIFAga shikoyat qilish imkoniyatini ko‘rib chiqmoqda. Bu haqda The Telegraph nashri xabar bermoqda.
Liga 1 grandining ishonchi komilki, Kilian Mbappe kelasi yili tekinga Madrid klubiga o‘tishga rozi bo‘lgan. Bu holatda "Real" FIFA qoidalarini buzgan bo‘lishi mumkin, chunki klublar o‘z klublari roziligisiz xorijlik futbolchilar bilan muzokara o‘tkaza olmaydi. O‘yinchining shartnomasi olti oy yoki undan kamroq vaqt ichida tugaydigan holatlar istisno hisoblanadi.
Qayd etilishicha, Mbappe yaqinda "Al-Hilol"ning taklifiga rad javob bergan. "PSJ" buni futbolchining "Real" bilan allaqachon kelishuvga erishganiga dalil sifatida ko‘rmoqda.
Eslatib o‘tamiz, Mbappe shartnomani uzaytirishdan bosh tortgani uchun "PSJ" futbolchini Yaponiya turnesiga olib ketmagandi.