Журналист Фабио Алейшонинг сўзларига кўра, "Ал-Ҳилол" ҳужумчи Малкомнинг трансфери учун "Зенит"га пул ўтказиш йўлини топди.
Манбанинг хабарига кўра, яқин вақт ичида петербургликлар 26 ёшли бразилияликнинг кетиши ҳақида хабар беришади. Аввалроқ Саудия клуби пул ўтказиш билан боғлиқ муаммолар туфайли Малкомни қайдномага кирита олмагани хабар қилинганди.
Ўтган мавсумда Малком Россия чемпионатининг энг яхши тўпурари бўлди. 26 ёшли ҳужумчи РПЛнинг 26 учрашувида 23 та гол урди. У “Зенит” сафида 109 та ўйинда жами 42 та гол ва 24 та голли узатмани амалга оширган.
