"Челси" ҳужумчиси Ромелу Лукакунинг келажаги яқин орада ҳал бўлиши керак.

Бельгиялик футболчи "кўклар" билан ҳамкорликни давом эттиришдан манфаатдор эмас ва клуб уни сотишга тайёр. Асосий даъвогар "Ювентус" бўлиб қолмоқда, аммо у ҳали трансфер шартлари бўйича келишмаган. Инсайдер Фабрицио Романонинг сўзларига кўра, "Челси" ҳозирда Лукаку учун бошқа вариантларни кўриб чиқмоқда. Агар келаси ҳафтагача муқобил ечим топилмаса, “аристократлар” асосий эътиборни “Ювентус” билан 30 ёшли ҳужумчини Душан Влаховичга алмаштириш бўйича музокараларга қаратишади.

Ромелу Лукакунинг ўзи, баъзи маълумотларга кўра, Турин клубига ўтишга рози бўлган.