Арсен Венгер ўзи учун "Арсенал" стадионига ўрнатилган ҳайкал ҳақида фикр билдирди.
Франциялик мутахассис Лондонга ташриф буюрди ва июль ойи охирида "Эмирейтс" стадиони яқинида очилган ёдгорликни кўрди.
"Қўзғалмаётганингиз бироз ғалати кўринади! Лекин бу ҳиссиётли лаҳза, чунки бу катта шараф ва умуман, мен ҳар доим шу клубнинг бир қисми бўлишни хоҳлаганман ва ўзимни абадий шу клубнинг бир қисмидек ҳис қиламан. Шунинг учун мен бахтлиман, чунки мен ўзим хоҳлаган жойдаман.
Мен ҳар доим ўзимдан каттароқ нарса устида ишлашдан илҳомланганман. Мен бу клубни дунёдаги энг катта клублардан бирига айлантиришга қўшган ҳиссамни ҳис қиляпман.
Ҳозир бу ерга келганимда стадионни кўраман, меҳнатим арзийди, чунки бу стадион мени қийнаганини ҳис қиляпман, шу стадион соясида турганимдан хурсандман!
Мухлисларимиз ва жамоамиз муваффақиятга эришганида, қайтиб келиб, шундай ажойиб муҳитни кўриш жуда ажойиб. Бу мен учун катта мамнуният", - деди Венгер.
