"Челси"нинг собиқ ҳужумчиси Андрей Шевченко янги мавсум олдидан "кўклар" вингери Михаил Мудрикни қўллаб-қувватлашини билдирди.
Январь ойида "Шахтёр"дан 86,7 миллион фунт стерлинг эвазига кўчиб ўтган Мудрик "Челси"даги дастлабки 17 ўйинида гол ура олмади ва атиги иккита голли узатмани амалга оширган.
Бироқ Шевченко ҳамюртидан янги мавсумни анча яхши бошлашини кутмоқда. 22 ёшли украиналик 22 ёшли футболчининг "Челси" билан ўртоқлик ўйинларида қандай ўйин кўрсатишига ишонч билдирмоқда.
"Челси"нинг янги мавсумидан жуда ҳаяжондаман, айниқса Мудрик каби украиналик футболчи бор.
Мен "Челси"нинг Америкада ўтказган бир нечта ўртоқлик учрашувларини кўрдим ва у ўзининг энг яхши формасига яқинлашмоқда деб ўйлайман.
Жамоа жуда яхши футбол ўйнай бошлади ва бу "Челси" учун қизиқарли мавсум бўлади.
Мен Мудрикдан доим яхши натижалар кутаман. Клуб унга кўп пул сарфлади, у билан жуда узоқ, саккиз йилга шартнома имзолади ва бу клуб унга ишонади, дегани.
Албатта, у жуда секин бошлади, лекин мен уни мавсумолди ўйинларида кўрдим ва у ёрқин кўринди. Унга омад тилайман ва мавсумни жуда яхши бошлашини ва барча фазилатларини намоён этишини истайман", - деди Шевченко talkSPORT нашрига.
