Мюнхеннинг «Бавария» клуби ярим ҳимоячиси Леон Горецка «Манчестер Юнайтед»га ўтиши мумкин, деб хабар беради Sky Sports.
Аввалроқ футболчининг ўзи мюнхенликлар сафида ўйнашни давом эттириш ниятида эканлигини айтганди, бироқ вазиятни «Бавария»нинг Осиё турнеси ўзгартирди.
Манбанинг хабарига кўра, «Манчестер Юнайтед» 28 ёшли германиялик футболчи учун таклиф тайёрламоқда. Бунга қўшимча равишда «Ювентус» ҳам даъво қилмоқда.
Горецка «Бавария» сафида 2018 йилдан буён тўп тепади. Ўтган мавсумда у жамоа сафида барча турнирларда 40 та ўйинда майдонга тушиб, 6 та гол урди ва 6 та голли узатмани амалга оширди.
