БААда давом этаётган ёшлар ўртасидаги Осиё чемпионати ярим финал учрашувида Ўзбекистон терма жамоаси Жанубий Корея терма жамоасига қарши майдонга тушади. Учрашувдан олдинги матбуот анжуманида қатнашган кореяликлар устози Ли Кванг Чонг Ўзбекистон терма жамоасини бемалол юта олиш мумкинлигини таъкидлаб ўтди.

«Эрон ва Ўзбекистон терма жамоаларнинг ўхшаш тарафлари жуда кўп. Шундай экан якшанба куни Эронга қарши қандай ўйнаган бўлсак, бу сафар ҳам шундай ўйин кўрсатсак, ярим финалда ҳам ютишимиз тайин», дея гап бошлади Ли.

«Ўзбекистон бутун дунёда ҳимояси мустаҳкам ҳимояга эга ва қарши ҳужумда яхши ўйнай оладиган терма жамоалар сирасига киради. Ана шу қарши ҳужумлар бизга хавф солиши мумкин. Эронга қарши мураккаб ўйиндан кейин биз ўзимизни тиклаб олдик ва бу ўйинга тўлиқ тайёр бўлдик деб ҳисоблайман».

«Олдинроқ биз гуруҳ босқичида ҳам ёмон қатнашмагандик. Бироқ катта кучимизни чорак финал ва ундан кейинги учрашувларга сақлаб қўйгандик. Эронга қарши биз барча мақсадларимизни кўрсатиб қўя олдик. Ўзбекистонга қарши учрашувда ҳам шундай бўлади, деб умид қиламан».

«Бизда эртанги ўйиндан олдин ҳеч қандай жароҳатлар безовта қилаётгани йўқ. Барча ўйинга шай», дея кореялик мутахассис сўзларидан иқтибос келтирмоқда ОФК расмий сайти.