34 ёшли австриялик ҳужумчи Марко Арнаутович "Болонья"ни бошқа итальян клубига ўзгартириши мумкин. Журналист Николо Скирага маълум бўлишича, футболчининг хизматларига пойтахтнинг "Рома" клуби қизиқиш билдирмоқда.
Рим клуби бош мураббийи Жозе Моуриньо бу келишув ташаббускори ҳисобланади. Куни кеча томонлар музокаралар олиб борди ва икки йиллик меҳнат шартномасини имзолашга келишиб олди.
Арнаутович "Болонья"да 2021 йилнинг ёзидан бери ўйнамоқда. Томонлар ўртасидаги меҳнат шартномаси муддати 2024/2025 йилги мавсум охирида тугайди.
Ҳужумчи ўтган мавсум А Серияда 21 ўйинда майдонга тушиб, 10 та гол урди.













