«Ал-Аҳли» «Наполи» ҳужумчиси Виктор Осимхен учун янги таклиф тайёрламоқда, деб хабар беради Il Mattino.

Аввалроқ, «Наполи» 24 ёшли нигериялик учун 200 миллион олмоқчи бўлгани учун 120 миллион евролик таклифни рад этгани ҳақида хабар берилганди.

Манба берган хабарга кўра, Саудия клуби янги таклиф билан чиқишга тайёр, Осимхеннинг ўзига эса мавсумига 35 миллион евро маош (беш йил давомида 175 миллион евро) бўлган беш йиллик шартнома таклиф қилинади.

Ҳужумчини сақлаб қолиш учун неаполликлар унга рекорд даражадаги шартнома таклиф қилишлари мумкин - аввалроқ «Наполи»нинг бирорта футболчиси йилига 7 миллион евродан ортиқ маош олмаганди.

Осимхен ўтган мавсумда «Наполи» сафида барча турнирларда 39 та ўйинда майдонга тушиб, 31 та гол урди ва 5 та голли узатмани амалга оширди. У А Сериянинг энг яхши тўпурарига айланди.