«Al-Ahli» «Napoli» hujumchisi Viktor Osimxen uchun yangi taklif tayyorlamoqda, deb xabar beradi Il Mattino.
Avvalroq, «Napoli» 24 yoshli nigeriyalik uchun 200 million olmoqchi bo‘lgani uchun 120 million yevrolik taklifni rad etgani haqida xabar berilgandi.
Manba bergan xabarga ko‘ra, Saudiya klubi yangi taklif bilan chiqishga tayyor, Osimxenning o‘ziga esa mavsumiga 35 million yevro maosh (besh yil davomida 175 million yevro) bo‘lgan besh yillik shartnoma taklif qilinadi.
Hujumchini saqlab qolish uchun neapolliklar unga rekord darajadagi shartnoma taklif qilishlari mumkin - avvalroq «Napoli»ning birorta futbolchisi yiliga 7 million yevrodan ortiq maosh olmagandi.
Osimxen o‘tgan mavsumda «Napoli» safida barcha turnirlarda 39 ta o‘yinda maydonga tushib, 31 ta gol urdi va 5 ta golli uzatmani amalga oshirdi. U A Seriyaning eng yaxshi to‘purariga aylandi.
