«Манчестер Сити» бош мураббийи Хосеп Гвардиола «Манчестер Сити» ярим ҳимоячиси Филипп Фоденнинг ўйини ҳақида фикр билдирди.
«Фил ҳамма жойда ўйнай олади: ҳужумчи, чап ва ўнг вингер, ҳужумкор ярим ҳимоячи. Майдон марказида эса у кўп жиҳатларда эҳтиёткорроқ бўлиши ва қачон ҳимояга қайтишни яхшироқ тушуниши керак.
Лекин, албатта, Фоденда юқоридаги позицияларда ўйнаш учун ўзига хос фазилатлар бор: яккама-якка кураш, жарима майдончасига боғланиш, гол уриш қобилияти – ҳаммаси унда шаклланган», — дея Гвардиоланинг сўзларини келтиради Goal.
Фоден «Манчестер Сити» тарбияланувчиси ҳисобланади. Ўтган мавсумда «шаҳарликлар» ўз тарихларида биринчи треблни қўлга киритди.
