«Manchester Siti» bosh murabbiyi Xosep Gvardiola «Manchester Siti» yarim himoyachisi Filipp Fodenning o‘yini haqida fikr bildirdi.
«Fil hamma joyda o‘ynay oladi: hujumchi, chap va o‘ng vinger, hujumkor yarim himoyachi. Maydon markazida esa u ko‘p jihatlarda ehtiyotkorroq bo‘lishi va qachon himoyaga qaytishni yaxshiroq tushunishi kerak.
Lekin, albatta, Fodenda yuqoridagi pozisiyalarda o‘ynash uchun o‘ziga xos fazilatlar bor: yakkama-yakka kurash, jarima maydonchasiga bog‘lanish, gol urish qobiliyati – hammasi unda shakllangan», — deya Gvardiolaning so‘zlarini keltiradi Goal.
Foden «Manchester Siti» tarbiyalanuvchisi hisoblanadi. O‘tgan mavsumda «shaharliklar» o‘z tarixlarida birinchi treblni qo‘lga kiritdi.
