Леон Горецка "Бавария"дан "Ювентус"га ўтиши мумкин.
"Бавария" ярим ҳимоячиси мавсумолди ўртоқлик ўйинларида жамоанинг асосий таркибига киритилмаган. Олдинроқ қолиш истагини билдирганига қарамай, у ёзги трансфер ойнасида мюнхенликлар жамоасини тарк этиши мумкин.
Sky Sport нашри хабарига кўра, ярим ҳимоячига "Ювентус" қизиқиш билдирмоқда. Горецка Массимилиано Аллегрининг ҳимоявий тактикасига яхши мос тушади, деб ҳисобланмоқда.
Бундан ташқари, германиялик футболчига "Манчестер Юнайтед" қизиқиш билдирмоқда. Инглиз клуби Леонинг трансфери масаласини муҳокама қилмоқда, аммо "манкунианликлар" ҳали "Бавария"дан таклиф билан чиққани йўқ.
Горецка ўтган мавсумда Бундеслигада 27та ўйинда майдонга тушиб, 3та гол урган ва 2та голга ассистентлик қилган.
