Словакиялик ҳимоячи Милан Шкриньяр "ПСЖ"га ўтганидан бери ҳали Лига 1да майдонга тушмади, бироқ у фаолиятининг асосий қисмини аввалига "Сампдория"да, кейин "Интер"да ўтказган Италия чемпионатидан кўра Франция чемпионати жисмоний жиҳатдан анча талабчанроқ эканини ҳис қилмоқда.
"Бу ерда бўлиб, шу оила аъзоси бўлиб қолганимдан жуда мамнунман. Бундай ажойиб спорт марказини ҳеч қачон кўрмаганман! Лига 1 - бу жисмоний жиҳатдан анча талабчан чемпионат ва "ПСЖ"да ҳамма сўнгги жангга тайёргарлик кўрмоқда. Шунинг учун бу ерда, албатта, осон бўлмайди", - деди Шкриньяр ITASportPress билан суҳбатда.