"Лидс" ярим ҳимоячиси Тайлер Адамс тез орада Англия Премьер-лигасининг топ-клуби аъзосига айланиши мумкин. The Athletic хабарига кўра, Лондоннинг "Челси" клуби бу ҳафта 24 ёшли америкалик футболчига қизиқишни оширмоқчи.
Адамснинг "Лидс" билан шартномасида товон пули 23 миллион евродан сал кўпроқни ташкил қилади. "Челси" бу пулни тўлашга ва трансферни амалга оширишга тайёр. Клуб шартнома шартларини келишиб олиш мақсадида Тайлер атрофидагилар билан аллақачон алоқа ўрнатган.