"Тоттенхэм" клуби икки нафар янги футболчи билан шартнома имзолаганини эълон қилишга тайёрланмоқда. Инсайдер Фабрицио Романонинг сўзларига кўра, "шпорлар" шу ҳафта "Волфсбург"дан марказий ҳимоячи Мики ван де Вен ва "Росарио Сентрал"дан ҳужумчи Алеихо Велис билан шартнома имзолаганини эълон қилиши керак.
Эслатиб ўтамиз, "Тоттенхэм" Ван де Вен учун тахминан 50 миллион евро тўлаши керак. Велис Постекоглу жамоасига бонуслар билан бирга 20 миллионга тушади.
Шунингдек, “шпорлар” шу йил бошида “Лестер”дан ярим ҳимоячи Жеймс Меддисон ва “Эмполи”дан дарвозабон Гилермо Викарио билан шартнома имзолади. Бу трансферлар клубга 66 миллион еврога тушди.
