"Ювентус" Софьян Амрабатга қизиқиш билдирмоқда.
La Gazette Dello Sport хабарига кўра, "Фиорентина" ярим ҳимоячисини "Ювентус" бош мураббийи Массимилиано Аллегри яхши кўради. Амрабатга спорт директори Криштиану Жунтоли ҳам қизиқиш билдирмоқда.
Қайд этилишича, айни дамда клуб Амрабат бўйича “Фиорентина” билан музокара ўтказмаяпти. Марокашлик ўз навбатида "Манчестер Юнайтед"га ўтишни афзал кўради. "Фиорентина" 26 ёшли ярим ҳимоячи учун камида 25 миллион евро ва бонуслар олишни кутмоқда.
Бундан ташқари, "Ювентус" Лука Пеллегрини трансфери учун "Лацио" билан боғланишда давом этмоқда. Жамоани ҳозир клубда дахлсиз ҳисобланмайдиган Филип Костич ҳам тарк этиши мумкин.
Агар иккала футболчи ҳам "Ювентус"ни тарк этса, "бьянконерилар" "Интер" ва "Аталанта" клублари ҳам қизиқаётган "Монца" ҳимоячиси Карлос Аугустони ўз сафига қўшиб олишга ҳаракат қилади. Туринликлар, шунингдек, "Специя" ҳимоячиси Эмиль Хольмга ҳам қизиқиш билдирмоқда.
