Мадриднинг "Атлетико" клуби ҳужумчиси Жоау Феликсда ҳали ҳамон фаолиятини "Барселона"да давом эттириш имкони бор.
Журналист Фернандо Поло хабарига кўра, Хавининг рад этганига қарамай, Феликс варианти ҳозирча клуб рўйхатидан ўчирилмаган.
Агар у трансфер ойнасининг охиригача "Атлетико" сафида бўлса, "Барселона" музокараларни кучайтириб, футболчининг маошини бир қисмини тўлаш шарти билан, ижарага олиши мумкин.
23 ёшли португалиялик футболчига ҳозирда Саудиядан йирик таклифлар бўлмоқда. Унинг "матрасчилар" билан шартномаси 2027 йилгача тузилган.
