"Реал"нинг собиқ футболчиси Хорхе Вальдано "ПСЖ" мухлисларининг ҳужумчи Килиан Мбаппега нисбатан ғазабланиши мумкинлиги ҳақида гапирди. Килиан жамоа билан шартномани узайтиришни истамаяпти ва "қаймоқранглилар" сафига ўтмоқчи.
"ПСЖ" мухлислари Мбаппедан жаҳли чиқдими? Хавотир олманг, мен уни аэропортда ўзим кутиб оламан. Ушбу трансфер ҳали амалга оширилмаган. Умид қиламанки, у расмийлаштирилади (кулади)", — деди Вальдано Goal билан суҳбатда.
24 ёшли Мбаппенинг парижликлар билан шартномаси 2024 йилнинг ёзида якунига етади. Маълум бўлишича, футболчи яна бир мавсумга автоматик янгиланишни фаоллаштиришдан бош тортган ва шартнома якунлангач, жамоани тарк этмоқчи.
