"Локомотив" ҳужумчиси Вильсон Изидор "Марсел"га ўтишга яқин турибди. Бу ҳақда L'Equipe нашри хабар бермоқда.
Манбага кўра, "Марсель" ҳозирда ушбу трансфер устида ишламоқда, бироқ Изидорни қўлга киритиш учун Франция клуби ҳужумкор ўйинчиларидан бирини сотиши керак бўлади. Қайд этилишича, жамоа Женгиз Ундер ёки Руслан Малиновскийни тарк этиши мумкин.
Эслатиб ўтамиз, Изидор 2022 йилнинг январидан буён “Локомотив” шарафини ҳимоя қилиб келмоқда. Умуман олганда, 22 ёшли ҳужумчи “темирйўлчилар” сафида 40 та ўйин ўтказиб, 19 та гол урди ва 7 та голга ассистентлик қилди. Transfermarkt портали франциялик футболчини 6 миллион еврога баҳоламоқда.
