Дарвозабон Давид Райя "Арсенал"га ўтишга яқин турибди.
Испаниялик футболчи "канонирлар"га 35 миллион еврога тушади. Журналист Жеймс Бенжнинг сўзларига кўра, "Тоттенхэм" ва "Челси" ҳам шу ёзда Райяни қўлга киритишга ҳаракат қилишган. "Аристократлар" ҳатто 27 ёшли дарвозабон билан шахсий келишувга эришган, бироқ "Брентфорд" билан трансфер шартлари бўйича келиша олмаган. “Асаларилар” раҳбарияти футболчини 45 миллион евродан кўпроққа баҳолаган ва нархни пасайтиришдан бош тортган. Бироқ, кейинчалик "Арсенал" бироз чегирма нархида уни харид қиладиган бўлди.
Давид Райянинг "Брентфорд" билан шартномаси келаси ёзда тугайди. Transfermarkt портали унинг нархини 30 миллион еврога баҳоламоқда.
