"ПСЖ" марказий ҳимоячиси Абду Диалло умумий гуруҳга қайтди.
Сенегаллик жамоадан алоҳида машғулот ўтказаётган эди, чунки клуб трансфер ойнаси ёпилгунга қадар у билан хайрлашмоқчи эди. Журналист Фабрис Хокинснинг сўзларига кўра, Диалло чоршанба кунидан бошлаб асосий жамоа билан тўлиқ машғулотларни бошлайди. 27 ёшли футболчи намунали фидойилиги ва бенуқсон хатти-ҳаракати туфайли янги имкониятга лойиқ кўрилди. Бош мураббий Луис Энрике марказий ҳимоячи фойдали бўлиши мумкин, деб ҳисоблайди.
Вазият ўзгарганига қарамай, Диалло "ПСЖ"ни тарк этиши мумкин, чунки унга бошқа клублар қизиқишлари сақланиб қолмоқда.
