Саудия Арабистонининг "Ал-Иттиҳод" клуби "Реал", "Севилья" ва "ПСЖ" клубининг собиқ ҳимоячиси Серхио Рамосга қизиқиш билдирмоқда, дея хабар беради журналист Руди Галетти.
Таъкидланишича, томонлар июнь ойидан бери алоқада. Томонлар яқин келажакда музокараларни давом эттиради. Шу билан бирга, аввалроқ Рамоснинг "Галатасарой"га ўтиши мумкинлиги хабар қилинганди. Шунингдек, Саудия клуби "Ницца" ҳимоячиси Жан-Клер Тодибо номзодини кўриб чиқмоқда.
37 ёшли Серхио Рамос "ПСЖ"ни эркин агент сифатида тарк этди. Ўтган мавсумда у жамоа сафида 45 та ўйинда майдонга тушиб, 4 та гол урди ва 1 та голли узатмани амалга оширди.
