Франция терма жамоаси ва Лондоннинг “Арсенал” клуби собиқ футболчиси Вильям Галлас “канонирлар”нинг Англия Премьер-лигасининг янги мавсумида чемпионлик учун курашдаги истиқболлари ҳақида ўз фикрлари билан ўртоқлашди.

"Ўйлайманки, Артета жамоаси чемпионлик учун курашади, аммо чемпион бўлиши даргумон. Уларда буни қилиш учун характер йўқ. Айнан у ўтган мавсум охирида "Арсенал"га етишмаган эди. “Канонирлар” келаси мавсумда ҳақиқий жанговар руҳ кўрсатишларини истардим”, – дея Галласнинг сўзларини келтиради Goal.com.

Эслатиб ўтамиз, ўтган мавсум якунида Лондон клуби Премьер-лигани иккинчи ўринда якунлаганди.