"Манчестер Юнайтед" ўнг қанот ҳимоячиси Аарон Ван-Биссака билан янги шартнома борасида расмий музокараларни бошламоқчи.

Ван-Биссака "Юнайтед" бош мураббийи Эрик Тен Хагнинг режаларидан жой олиши учун узоқ вақт керак бўлди.

Премьер-лигада Ван-Биссака Тен Хаг қўл остида ўзининг "Манчестер Юнайтед"нинг асосий таркибидаги биринчи ўйинини декабрь ойи охирида ўтказди.

Аммо ўтган мавсумнинг иккинчи ярмида Ван-Биссака "қизил иблислар"нинг муҳим ўйинчисига айланди.

Ван-Бисакининг амалдаги шартномаси келаси ёзда ниҳоясига етади ва 12 ойга узайтирилиши мумкин.

Daily Mail нашрининг ёзишича "Юнайтед" ва Ван-Биссака вакиллари ёзги трансфер ойнаси ёпилиши биланоқ музокаралар столига ўтиришларини кутмоқда. 25 ёшли ҳимоячи ҳафтасига 100 минг фунт стерлингдан кўпроқ маоши олиши мумкин.